ທຸກວັນນີ້ການເຂົ້າລະບົບບໍ່ວ່າຈະເປັນ Social Network ຕ່າງໆ ມັກຈະຕ້ອງມີການຢືນຢັນຕົວຫລາຍກວ່າການໃສ່ User ແລະ Password ແຕ່ມີການເຂົ້າລະຫັດສອງຊັ້ນ ຫລື Two-Factor Authentication (2FA) ໂດຍສະເພາະ Facebook ທີ່ມີປະໂຫຍດ ແລະ ຄວນເປີດໄວ້
ຂໍ້ດີຂອງການເປີດລະບົບຢືນຢັນລະຫັດເຟດບຸ໊ກ 2 ຊັ້ນ
ສຳລັບຂໍ້ດີຂອງ Two-Factor Authentication (2FA) ຫລື ການຢືນຢັນລະຫັດສອງຊັ້ນນັ້ນ ມີຂໍ້ດີທີ່ຄວນຮູ້ກໍຄື
- ເຮັດໃຫ້ເຮົາຮູ້ວ່າໃຜມີຄົນເຊົ້າລະບົບຂອງເຮົາຫລືບໍ່
- ປົກປ້ອງຂໍ້ມູນສຳຄັນໄດ້ເພາະຖ້າມີການຖືກເຈ່ະຂໍ້ມູນເຮັດໃຫ້ເຮົາຮູ້ກ່ອນ
- ປ້ອງກັນການລັກເງີນເພາະຕ້ອງການຢືນຢັນຕົວອີກຊັ້ນ
ການຢືນຢັນຕົວຕົນແບບສອງຊັ້ນເປັນຟີເຈີຮັກສາຄວາມປອດໄພທີ່ຈະຊ່ວຍປົກປ້ອງບັນຊີ Facebook ແລະ ລະຫັດຜ່ານຂອງທ່ານ ເມື່ອທ່ານຕັ້ງຄ່າການຢືນຢັນຕົວຕົນແບບສອງຊັ້ນ ທ່ານຈະຕ້ອງປ້ອນລະຫັດເຂົ້າສູ່ລະບົບພິເສດ ຫລື ຢືນຢັນການເຂົ້າສູ່ລະບົບຂອງທ່ານທຸກເທື່ອທີ່ມີກນພະຍາຍາມເຂົ້າເຖິງບັນຊີ Facebook ຂອງທ່ານຈາກບຣາວເຊີຫລືອຸປະກອນມືຖືເຄື່ອງໃໝ່ທີ່ເຮົາບໍ່ຮູ້ຈັກ ແລະ ທ່ານສາມາດຮັບການແຈ້ງເຕືອນເມື່ອມີຄົນພະຍາຍາມເຂົ້າສູ່ລະບົບຈາກບຣາວເຊີ ຫລື ອຸປະກອນມືຖືທີ່ເຮົາບໍ່ຮູ້ຈັກໄດ້ອີກດ້ວຍ
ວິທີການເປີດລະບົບຢືນຢັນຕົວລະຫັດສອງຊັ້ນ ຫລື Two-Factor Authentication (2FA) ຂອງ Facebook
ສຳລັບ Facebook ຈະເປີດລະບົບດັ່ງກ່າວມີວິທີການດັ່ງນີ້
- ກົດຮູບໂປຣຟາຍຂອງທ່ານທີ່ດ້ານຂວາເທີງ ຈາກນັ້ນກົດ ເຄື່ອງໝາຍແຂ້ວເຟືອງ "ການຕັ້ງຄ່າ ແລະ ຄວາມເປັນສ່ວນຕົວ"
- ກົດ ເຄື່ອງໝາຍແຂ້ວເຟືອງ ແລ້ວເລືອກ "ການຕັ້ງຄ່າ"
- ກົດ "ສູນບັນຊີ" ຈາກນັ້ນກົດ "ລະຫັດຜ່ານແລະການຖືຮັກສາຄວາມປອດໄພ"
- ກົດ "ການຢືນຢັນຕົວຕົນແບບສອງຊັ້ນ" ຈາກນັ້ນກົດບັນຊີທີ່ທ່ານຕ້ອງການອັບເດດ
- ເລືອກວິທີການຖືຮັກສາຄວາມປອດໄພທີ່ທ່ານຕ້ອງການເພີ່ມ ແລ້ວປະຕິບັດຕາມຄຳແນະນຳເທິງໜ້າຈໍ
ເມື່ອທ່ານຕັ້ງຄ່າການຢືນຢັນຕົວຕົນແບບສອງຊັ້ນເທິງ Facebook ລະບົບຈະຂໍໃຫ້ທ່ານເລືອກວິທີການຖືຮັກສາຄວາມປອດໄພໜຶ່ງໃນສາມວິທີຕໍ່ໄປນີ້
- ການແຕະຄີຖືຮັກສາຄວາມປອດໄພເທິງອຸປະກອນທີ່ຮອງຮັບ
- ລະຫັດເຂົ້າສູ່ລະບົບຈາກແອບການຢືນຢັນຕົວຕົນພາຍນອກ
- ລະຫັດຂໍ້ຄວາມ SMS ຈາກໂທສັບມືຖືຂອງທ່ານ
ເມື່ອທ່ານເປີດການຢືນຢັນຕົວຕົນແບບສອງຊັ້ນແລ້ວ ທ່ານຈະສາມາດຮັບລະຫັດກູ້ຄືນການເຂົ້າສູ່ລະບົບ 10 ຊຸດເພື່ອໃຊ້ງານໃນກໍລະນີທີ່ທ່ານບໍ່ສາມາດໃຊ້ໂທລະສັບຂອງຕົນເອງໄດ້ ຮຽນຮູ້ວິທີຕັ້ງຄ່າລະຫັດກູ້ຄືນ
ແຫຼ່ງຂໍ້ມູນທີ່ເປັນປະໂຫຍດອື່ນໆ
- ຫາກທ່ານບໍ່ໄດ້ບັນທຶກບຣາວເຊີ ຫລື ອຸປະກອນມືຖືທີ່ທ່ານໃຊ້ງານໄວ້ ລະບົບຈະຂໍໃຫ້ທ່ານບັນທຶກເມື່ອເປີດການຢືນຢັນຕົວຕົນແບບສອງຊັ້ນ ເພື່ອຊ່ວຍໃຫ້ທ່ານບໍ່ຈຳເປັນຕ້ອງປ້ອນລະຫັດຄວາມປອດໄພເມື່ອທ່ານເຂົ້າສູ່ລະບົບອີກເທື່ອ ຢ່າກົດ "ບັນທຶກບຣາວເຊີນີ້" ຫາກທ່ານໃຊ້ຄອມພິວເຕີສາທາລະນະທີ່ບຸກຄົນອື່ນສາມາດເຂົ້າເຖິງໄດ້ (ເຊັ່ນ ຄອມພິວເຕີໃນຫ້ອງສະໝຸດ)
- ເຮົາຈຳເປັນຕ້ອງຈົດຈຳຂໍ້ມູນຄອມພິວເຕີ ແລະ ບຣາວເຊີຂອງທ່ານ ເພື່ອໃຫ້ເຮົາຮູ້ຈັກຂໍ້ມູນນີ້ໃນເທື່ອຕໍ່ໄປທີ່ທ່ານເຂົ້າສູ່ລະບົບ ທັງນີ້ ຄຸນສົມບັດບຣາວເຊີບາງຢ່າງອາຈົບລັອກການອະນຸມັດການເຂົ້າສູ່ລະບົບ ຫາກທ່ານເປີດໃຊ້ການທ່ອງເວັບແບບສ່ວນຕົວ ຫລື ຕັ້ງຄ່າບຣາວເຊີໃຫ້ລ້າງປະຫວັດການເຂົ້າຊົມເວັບທຸກເທື່ອທີ່ປິດບຣາວເຊີ ທ່ານອາດຕ້ອງໃສ່ລະຫັດທຸກເທື່ອທີ່ເຂົ້າສູ່ລະບົບ ຮຽນຮູ້ເພິ່ມເຕິມ
- ຫາກຕ້ອງການຕັ້ງຄ່າການຢືນຢັນຕົວຕົນແບບສອງຊັ້ນຜ່ານທາງຂໍ້ຄວາມ SMS ທ່ານສາມາດໃຊ້ໝາຍເລກ-ໂທລະສັບມືຖືທີ່ເພີ່ມລົງໄປໃນບັນຊີທ່ານຢູ່ແລ້ວ ຫລື ເພີ່ມໝາຍເລກໃໝ່ກໍໄດ້ ຮຽນຮູ້ເພິ່ມເຕິມກ່ຽວກັບວິທີທີ່ Facebook ໃຊ້ໝາຍເລກໂທລະສັບມືຖືສຳລັບການຢືນຢັນຕົວຕົນແບບສອງຊັ້ນ
- ຮຽນຮູ້ສິ່ງທີ່ທ່ານສາມາດເຮັດໄດ້ ຫາກທ່ານເປີດໃຊ້ການຢືນຢັນຕົວຕົນແບບສອງຊັ້ນແລ້ວແຕ່ພົບບັນຫາໃນການເຂົ້າສູ່ລະບົບ
